「一般負重訓練同TRX訓練相比，邊個方法對改善 Skinny Fat 身型較有效？」
「一般負重運動」，我諗應該係指啞鈴、Barbell、及一啲大型嘅健身器械，阻力係來自鐵餅嘅重量；TRX，簡單嚟講就係：將一條兩端有把手嘅尼龍帶，掛喺一個高嘅地方，用家揸實把手，利用身體重量作為阻力，做一啲健身動作。示範：https://youtu.be/UKxnMKVfbFo
訓練效果高低取決於好多因素：姿勢、強度、次數、每組之間休息時間等，不單只係器材選擇。如果運用得宜，以上嘅器材全部都可以有效改善身型。
而健身器材之間有無高低之分？我認為係有嘅。而家喺健身室用緊嘅啞鈴、Barbell、Kettlebell、鐵餅，已經有數百至上千年嘅歷史，佢地可以流傳至今，一定有佢地嘅價值及效用；但一啲可以喺電視廣告睇到嘅「新發明」、「練__神器」，我認為係 Gimmick 多於一切。